ՀՀ անկախության 25-ամյակի առթիվ միջոցառումներ Բաթումում (2016-09-21)

21 սեպտեմբերի, 2016

Հայաստանի Հանրապետության ազգային տոնի` անկախության 25-ամյակի առթիվ Բաթումում Հայաստանի Հանրապետության գլխավոր հյուպատոսությունը 2016 թ. սեպտեմբերի 21-ին Բաթումի «Բելլա կոստա» հյուրանոցային-ռեստորանային համալիրում ընդունելություն է կազմակերպել ՀՀ գլխավոր հյուպատոսի անունից, որին ներկա էին Աջարիայի Ինքնավար Հանրապետության/ԱԻՀ/ կառավարության, խորհրդարանի, Բաթումի քաղաքապետարանի ղեկավարները, ԱԻՀ ֆինանսների և էկոնոմիկայի, գյուղատնտեսության և առողջապահության նախարարները, այլ պաշտոնյաներ, մտավորականության, գործարար շրջանակների, ուսումնական հաստատությունների ներկայացուցիչներ, ԶԼՄ-ների ղեկավարներ, լրագրողներ, Հայ Առաքելական եկեղեցու, աջարահայ համայնքի շուրջ 140 ներկայացուցիչներ:

Հայաստանի Հանրապետության 25-ամյա ուղու և ձեռքբերումների, հայ-վրացական բարեկամական առնչությունների մասին ներկաների առջև ելույթով հանդես եկավ Բաթումում Հայաստանի Հանրապետության գլխավոր հյուպատոս Եղիշե Սարգսյանը:

Ողջույնի խոսքով հանդես է եկել Աջարիայի Ինքնավար Հանրապետության կառավարության նախագահ Զուրաբ Պատարաձեն` անդրադառնալով վրաց-հայկական ավանդական բարեկամությանը, երկու երկրների միջև համագործակցությանը, ապակենտրոնացված կապերին ու դրանց հեռանկարներին, աջարահայայ համայնքի կարևոր դերակատարմանը երկկողմ հարաբերություններում:

Խոսք են ասել նաև Աջարիայի Գեերագույն խորհրդի/խորհրդարանի/ նախագահ Ավտանդիլ Բերիձեն, Բաթումի քաղաքապետ Գիորգի Երմակովը, Հայ Առաքելական եկեղեցու Աջարիայի և Իմերեթիայի ու Գուրիայի հոգևոր հովիվ Տեր Արարատ քահանա Գումբալյանը, Աջարիայի հայերի միության նախագահ Գրիգորի Վարդանյանը և մամուլի քարտուղար Արթուր Հովհաննիսյանը, Աջարիայի «Մեր տունը Վրաստանն է» հայ-վրացական ընկերության ղեկավար Սահակ Տալիտյանը, Բաթումի համալսարանի կանցլեր Ջեմալ Անանիձեն, հայտնի գրողներ և հայ գրականության թարգմանիչներ Բելլա Քեբուրիան և Վախտանգ Ղլոնտին:

Երեկոն ներառում էր նաև գեղարվեստական մաս, որի ընթացքում հանդես եկան բաթումահայ համայնքի “Աղբյուր” երգչախումբը/հայ դասական և ժողովրդական երաժշտություն/, Բաթումի քաղքապետարանի “Բաթումի” վոկալ համույթը/հայկական և վրացական երաժշտություն/, հայ համայնքից երգերի և գործիքային կատարողներ` Միլենա Վարդանյանը, Հարութ Սեդրակյանը, Ռոբերտ Ուսնյանը /հայկական ավանդական երաժշտություն/:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր