Հաղթանակի տոնի միջոցառումներ

09 մայիսի, 2013

Սույն թվականի մայիսի 9-ին Բաթումում կայացել են Հայրենական մեծ պատերազմում տարած հաղթանակի օրվան նվիրված միջոցառումներ, որոնց մասնակցել է Բաթումում ՀՀ գլխավոր հյուպատոս Արամ Գրիգորյանը: Առավոտվանից Աջարիայի ինքնավար հանրապետության ղեկավարությունը, հասարակայնության ներկայացուցիչներն ու պատերազմի վետերանները հավաքվել են Բաթումի հրապարակներից մեկում, հնչել են ելույթներ, որից հետո ներկաները տեղափոխվել են Հայրենական մեծ պատերազմի լեգենդար հերոս Անատոլի Կաչարավայի շիրիմին և Բաթումի գերեզմանոցներից մեկը, ուր թաղված են պատերազմի վետերանները: Բոլորի շիրիմներին ծաղիկներ են դրվել:

Նույն օրը Բաթումի “Սուրբ Փրկիչ” եկեղեցում, աջարահայության հոգևոր հովիվ Արարատ քահանա Գումբալյանի կողմից անց է կացվել Համբարձման տոնին նվիրված կարգ, ինչպես նաև ոգեկոչվել են Հայրենական մեծ պատերազմի ու Շուշվա ազատագրման հերոսները:
Այնուհետ ՀՀ գլխավոր հյուպատոսը, Տեր Արարատը, աջարահայ համայնքի անդամները տոնական նվերներ են բաժանել պատերազմի հայազգի վետերաններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր