ՀՀ գլխավոր հյուպատոսի հանդիպումը Աջարիիայի Ինքնավար Հանրապետության Գերագույն Խորհուրդի նախագահի հետ

24 օգոստոսի, 2016

2016 թ. օգոստոսի 24-ին Բաթումում ՀՀ գլխավոր հյուպատոս Եղիշե Սարգսյանը հանդիպում ունեցավ Աջարիայի Ինքնավար Հանրապետության Գերագույն Խորհուրդի նախագահ Ավտանդիլ Բերիձեի հետ:

Հանդիպման ընթացքում քննարկվեցին հայ-վրացական փոխհարաբերությունների շրջանակում հայ–աջարական ընդհանուր և ընտրովի մարմինների միջև համագործակցության հարցեր:

Կողմերը շեշտեցին երկու երկրների տարածաշրջանների ՏԻՄ կապերի ամրապնդման կարևորությունը` առանձնացնելով Լոռու մարզի և Աջարիայի ԻՀ միջև ստորագրված համագործակցության համաձայնագրով ընձեռնվող հնարավորությունների օգտագործումը:

Անդրադարձ եղավ աջարահայ համայնքի պատմական և ներկայիս կարևոր դերակատարությանը երկկողմ բարեկամական հարաբերություններում:

Գերագույն Խորհուրդի նախագահը ընդգծեց, որ գործադիր իշխանության կողմից առաջ քաշվող երկկողմ համագործակցության ծրագրերը, որոնք, մասնավորապես, վերաբերում են առևտրատնտեսական, զբոսաշրջության, մշակութային ոլորտներին մշտապես կարևորվում և հավանության են արժանանում Գերագույն Խորհուրդի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր