2016 թ. ապրիլյան քառօրյա պատերազմի տարելիցի առթիվ արարողություն Բաթումում

02 ապրիլի, 2017

2017 թ. ապրիլի 2-ին Բաթումի Սուրբ Փրկիչ եկեղեցում, ՀԱԵ Վիրահայոց թեմի հոգևոր հովիվ Տեր Արարատ քահանա Գումբալյանի մատուցմամբ, կատարվեց հոգեհանգստյան կարգ՝ 2016թ. ապրիլի 2-ին Ադրբեջանի սկսած քառօյա պատերազմում զոհված հայ մարտիկների համար և ծաղկեդրման արարողություն եկեղեցու բակում տեղակայված խաչքարի մոտ` ՀՀ գլխավոր հյուպատոսության, հայկական համայնքային կառույցների և անհատների կողմից: Հայ հերոս նահատակների հիշատակին և ադրբեջանական ագրեսիան դատապարտող խոսքով հանդես եկան Բաթումում ՀՀ գլխավոր հյուպատոս Եղիշե Սարգսյանը և Տեր Արարատ քահանա Գումբալյանը:

Իր խոսքում ՀՀ գլխավոր հյուպատոսը, մասնավորապես, ընդգծեց, որ մեկ տարի առաջ ադրբեջանական լայնածավալ հարձակմանն ի պատասխան հայ մարտիկները իրենց կյանքի գնով հետ մղեցին հակառակորդին՝ կանխելով Արցախի ժողովրդի հանդեպ իրականացվող ոճրագործությունների շարունակումը: Պատերազմի չորս օրերի ընթացքում ցայտուն դրսևորվեց հայ ժողովրդի տարբեր հատվածների անկոտրուն կամքը՝ արհավիրքի պահին համախմբվելու և դիմագրավելու այն: Նա շեշտեց հայկական կողմի հետևողական դիրքորոշումն, ուղղված Լեռնային Ղարաբաղի հիմնախնդրի բացառապես խաղաղ ճանապարհով կարգավորմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր