ՀՀ գլխավոր հյուպատոսի հանդիպումը Բաթումի նորընտիր քաղաքապետի հետ

13 դեկտեմբերի, 2017

2017 թ. դեկտեմբերիի 13-ին Բաթումում ՀՀ գլխավոր հյուպատոս Եղիշե Սարգսյանը հանդիպում ունեցավ Վրաստանի Աջարիայի Ինքնավար Հանրապետության մայրաքաղաք Բաթումի նորընտիր քաղաքապետ Լաշա Կոմախիձեի հետ: ՀՀ գլխավոր հյուպատոսը, բեղմնավոր աշխատանք մաղթելով նորընտիր քաղաքապետին, անդրադարձավ երկկողմ կապերի և համագործակցության հետագա ընդլայնման հեռանկարներին, որին Բաթումի քաղաքապետը արձագանքեց լիակատար փոխըմռնմամբ և նշյալ հարցերը ուշադրության կենտրոնում պահելու պատրաստականությամբ:

Զրույցի ընթացքում կարևորվեց երկու երկրներում իրականացվող գործարար և ներդրումային ծրագրերին հնարավոր մասնակցության, զբոսաշրջության, կրթամշակութային բնագավառներում համագործակցության կատարելագործման հարցերը: ՀՀ գլխավոր հյուպատոսը տեղեկացրեց Հայաստանում ներդրումային պայմանների մասին, ներկայացրեց և հանձնեց համապատասխան նյութեր: Քննարկվեցին Բաթումի և բարեկամացած քաղաք Վանաձորի միջև գործակցության հեռանկարները:

Կողմերը անդրադարձան բաթումահայ համայնքի դրական դերակատարությանը երկկողմ հարաբերություններում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր