Հայկական բանակի 26-ամյակին նվիրված միջոցառումներ Բաթումում

03 փետրվարի, 2018

2018թ. փետրվարի 3-ին` Բաթումում ՀՀ գլխավոր հյուպատոսության և հայկական համայնքային կառույցների համագործակցությամբ՝ Բաթումի Ալեքսանդր Մանթաշյանի անվան կրթամշակութային կենտրոնում տեղի ունեցան միջոցառումներ՝ նվիրված Հայկական բանակի 26-ամյակին:

Հայոց բանակի կազմավորման, անցած ուղու, սպաների և զինվորների քաջագործությունների մասին և նահատակված հերոսների հիշատակին խոսքով հանդես եկան Բաթումում ՀՀ գլխավոր հյուպատոս Եղիշե Սարգսյանը, ՀԱԵ Վիրահայոց թեմի առաջնորդ Տեր Վազգեն Եպիսկոպոս Միրզախանյանը, հոգևոր հովիվ Տեր Արարատ քահանա Գումբալյանը, Աջարահայերի միության նախագահ Գրիգոր Վարդանյանը, Մանթաշյանի անվան կրթամշակութային կենտրոնի տնօրեն Սոնա Հովհաննիսյանը, տնտեսագետ և երաժիշտ Քրիստինա Այվազյան-Թադևոսյանը:

Կայացավ Հայոց բանակի մասին վավերագրական ֆիլմերի ցուցադրություն և համերգ, որին հայրենասիրական երգերի կատարմամբ, ոտանավորների արտասանությամբ և բեմականացումներով հանդես եկան Մանթաշյանի անվան կրթամշակութային կենտրոնի նախակրթարանի սաները՝ ուսուցիչների և դաստիարակների ուղղորդությամբ:

Միջոցառումները ավարտվեցին ընդունելությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր