ՀՀ գլխավոր հյուպատոսի հանդիպումը Փոթիի քաղքապետի հետ

21 փետրվարի, 2018

2018 թ. փետրվարի 21-ին Բաթումում ՀՀ գլխավոր հյուպատոս Եղիշե Սարգսյանը աշխատանքային այց է կատարելել ք.Փոթի և հանդիպում ունեցել քաղքապետ Գոչա Կուրդղելիայի հետ:

Զրույցի ընթացքում ՀՀ գլխավոր հյուպատոսը անդրադարձել է Փոթի քաղաքի և նավահանգստի կարևոր դերին՝ ՀՀ արտաքին բեռնափոխադրումների գործում, ինչպես նաև ծովափնյա հանգստի եկող հայաստանցիների և քաղաքի հայ համայնքին վերաբերող հարցերին, տեղեկություններ տվել Հայաստանի տնտեսության զարգացման, գործարար միջավայրի և ներդրումային պայմանների մասին:

Քաղքապետը նշել է, որ Փոթին, մասնավորապես, նավահանգստի շնորհիվ, ավանդական լավ կապեր ունի Հայաստանի հետ, դրանք եղել են գործնական և փոխշահավետ: Նավահանգստի բեռնափոխադրումների զգալի մասը Հայաստանինն է: Ծովափնյա հանգստի եկող հայաստանցիների և հայ համայնքի առկայությունը համագործակցությանը նպաստող գործոններից են: Քաղաքապետը հայտնեց նաև, որ Փոթի քաղաքի առաջիկա վերափոխումների ծրագրում ներառված՝ նոր և հարմարավետ լողափի և դրան հարող զբոսայգու ստեղծմամբ զգալիորեն կավելանա հանգստացողների հոսքը՝ նաև Հայաստանից:

Հանդիպմանը մասնակցում էին Փոթիի քաղքապետի առաջին տեղակալ Մամուկա Պապասկիրին և տեղակալ Իրակլի Թոփուրիան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր