Հայոց մեծ եղեռնի 103-րդ տարելիցի առթիվ միջոցառումներ Բաթումում

24 ապրիլի, 2018

2018 թ. ապրիլի 24-ին Բաթումում կայացան միջոցառումներ Հայոց ցեղասպանության 103-րդ տարելիցի կապակցութամբ՝ հայ համայնքի ներկայացուցիչների և հյուրերի մասնակցությամբ: Սուրբ Փրկիչ եկեղեցում կատարվեց Սրբոց բարեխոսության կարգ:

Այնուհետև, եկեղեցու բակում գտնվող՝ Հայոց մեծ եղեռնի զոհերի հիշատակին նվիրված խաչքարի մոտ կայացան ծաղիկների խոնարհման և մոմավառության արարողություններ:

Կազմակերպվել էր բացօդյա ցուցահանդես, որում ներկայացված էին գերմանացի հումանիստ Արմին Թ. Վեգների՝ Մեծ եղեռնի դրվագները պատկերող լուսանկարները:

Ներկաների առջև ելույթներով հանդես են եկել Բաթումում ՀՀ գլխավոր հյուպատոս Եղիշե Սարգսյանը, ՀԱԵ Վիրահայոց թեմի հոգևոր հովիվ Արարատ քահանա Գումբալյանը: ՀՀ գլխավոր հյուպատոսը, մասնավրապես, անդրադարձել է Հայոց ցեղասպանության միջազգային ճանաչման և դատապարտման կարևորությանը՝ մարդկությանը նոր աղետներից զերծ պահելու համար:

Միջոցառումներն ավարտվեցին Ալեքսանդր Մանթաշյանի անվան հայկական կրթա-մշակութային կենտրոնում, որտեղ հայ երիտասարդների, դպրոցականների և նախակրթարանցիների մանակցությամբ կայացավ հիշատակի գրական-երաշժշտական ներկայացում՝ Կոմիտասի, Պարույր Սևակի և այլ հեղինակների ստեղծագործությունների կատարմամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր