Հայրենական մեծ պատերազմում հաղթանակի 73-րդ և Շուշիի ազատագրման 26-րդ տարեդարձերին նվիրված միջոցառումներ Բաթումում

09 մայիսի, 2018

2018 թ. մայիսի 9-ին, Բաթումում կազմակերպվել են միջոցառումներ՝ նվիրված Հայրենական մեծ պատերազմում հաղթանակի 73-րդ և Շուշիի ազատագրման 26-րդ տարեդարձերին:

Սուրբ Փրկիչ եկեղեցու բակում գտնվող խաչքարի մոտ կայացել է ծաղիկների խոնարհման արարողություն ի հիշատակ Հայրենական մեծ պատերազմում և Շուշիի ազատագրման մարտերում զոհված մարտիկների՝ ՀՀ գլխավոր հյուպատոսության, հայ համայնքային կառույցների կողմից:

Այնուհետև, ՀՀ գլխավոր հյուպատոսը և աջարահայ համայնքային կառույցների ղեկավարները՝ տոնի առթիվ շնորհավորելու համար այցելել են Հայրենական մեծ պատերազմի Բաթումցի երեք հայ մասնակիցներին՝ իրենց բնակարաններում:

Միջոցառումների ավարտին, ՀՀ գլխավոր հյուպատոսության կողմից կազմակերպվել է ընդունելություն, որի ընթացքում ներկաների առջև ելույթներով հանդես են եկել Բաթումում ՀՀ գլխավոր հյուպատոս Եղիշե Սարգսյանը, ՀԱԵ վիրահայոց թեմի հոգևոր հովիվ Արարատ քահանա Գումբալյանը, ,,Մեր տունը Վրաստանն է,, հայ-վրացական կազմակերպության ղեկավար Սահակ Տալիթյանը, Աջարիայի հայերի միության ,,Աղբյուր,, էլեկտրոնային թերթի խմբագիր Արթուր Հովհաննիսյանը, ցուցադրվել են վավերագրական ֆիլմեր օրվա թմաներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր