Բաթումում ՀՀ գլխավոր հյուպատոսի հանդիպումը Խելվաչաուրի քաղաքապետի հետ

25 մայիսի, 2018

2018 թ. մայիսի 25--ին Բաթումում ՀՀ գլխավոր հյուպատոս Եղիշե Սարգսյանը հանդիպում է ունեցել Վրաստանի Աջարիայի Ինքնավար Հանրապետության Խելվաչաուրի քաղաքապետ Ջումբեր Վարդմանիձեի հետ: Զրույցի ընթացքում շոշափվել է 2007 թվականին ստորագրված պայմանագրի համաձայն եղբայրացած քաղաքներ Սպիտակի և Խելվաչաուրի միջև կապերի և համագործակցության ընդլայնման հեռանկարներին վերաբերող հարցեր:

ՀՀ գլխավոր հյուպատոսը կարևորել է երկու երկրներում իրականացվող գործարար և ներդրումային ծրագրերին եղբայրացած քաղաքների հնարավոր մասնակցության, զբոսաշրջության, կրթամշակութային բնագավառներում համագործակցության ընդլայնման հարցերը՝ տեղեկացնելով Հայաստանում տնտեսական գործունեության և ներդրումային պայմանների մասին:

Խելվաչաուրի քաղաքապետը վերահաստատել է երկկողմ կապերի խորացման կարևրությունը՝ հույս հայտնելով, որ արդեն ընթացիկ տարում տեսանելի արդյունքներ կլինեն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր