Բաթումում ՀՀ գլխավոր հյուպատոս Եղիշե Սարգսյանի հանդիպումը Վրաստանի Աջարիայի ԻՀ կառավարության նախագահ Թորնիկե Ռիժվաձեի հետ

18 սեպտեմբերի, 2018

2018 թ. սեպտեմբերի 18-ին Բաթումում ՀՀ գլխավոր հյուպատոս Եղիշե Սարգսյանը հանդիպում է ունեցել Վրաստանի Աջարիայի Ինքնավար Հանրապետության/ԱԻՀ/ կառավարության նախագահ Թորնիկե Ռիժվաձեի հետ:

Հանդիպման ընթացքում շոշափվել են հայ-վրացական փոխհարաբերությունների շրջանակում Աջարիայի հետ համագործակցության հարցեր:

Զրուցակիցները ընդգծեցին, որ երկկողմ բարձր մակարդակի հարաբերությունները նոր լիցք են ստացել ՀՀ վարչապետ Նիկոլ Փաշինյանի՝ ս.թ. մայիսին և Վրաստանի Վարչապետ Մամուկա Բախտաձեի՝ ս.թ.սեպտեմբերին իրականացված փոխադարձ պաշտոնական այցերի արդյունքում:

ԱԻՀ կառավարության ղեկավարը վստահություն հայտնեց, որ կարվի հնարավորինը նպաստելու համար ավանդական բարեկամական կապերի հետագա խորացմանը՝ անդրադարձ կատարելով, մասնավորապես, առևտրա-տնտեսական, կրթա-մշակութային, զբոսաշրջության բնագավառներում համագործակցության ընդլայնման հարցերին:

ՀՀ գլխավոր հյուպատոսը տեղեկացրեց ՀՀ տնտեսական զարգացման և ներդրումային պայմանների վերաբերյալ, նշեց ապակենտրոնացված գործակցության շրջանակներում ՀՀ Լոռու մարզի և Վրաստանի Աջարիայի ԻՀ միջև իրականացվող ծրագրերի, ինչպես նաև Վանաձոր-Բաթում, Ալավերդի-Քոբուլեթ, Սպիտակ-Խելվաչաուր, Ախթալա-Չակվի քաղաքների և համայնքների միջև կապերի հետագա ընդլայնման մասին:

Երկուստեք ընդգծվեց հայ համայնքի կարևոր դերը երկկողմ հարաբերություններում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր