ՀՀ Ազգային տոնի` անկախության 27-րդ տարեդարձի առթիվ միջոցառումներ Բաթումում

21 սեպտեմբերի, 2018

Հայաստանի Հանրապետության Ազգային տոնի` անկախության 27-րդ տարեդարձի առթիվ Բաթումում Հայաստանի Հանրապետության գլխավոր հյուպատոսությունը 2018 թ. սեպտեմբերի 21-ին ընդունելություն է կազմակերպել ՀՀ գլխավոր հյուպատոսի անունից, Բաթումի ,,Ինտուրիստ,, հյուրանոցում, որին ներկա էին Աջարիայի Ինքնավար Հանրապետության/ԱԻՀ/ կառավարության նախագահը, Գերագույն Խորհրդի /խորհրդարանի/ փոխնախագահը, ԱԻՀ առողջապահության նախարարը, Բաթումի քաղաքային խորհուրդի/ավագանի/ նախագահը, Բաթումի քաղաքապետի տեղակալները, ԱԻՀ այլ պաշտոնյաներ, Հայ Առաքելական եկեղեցու, աջարահայ համայնքի, մտավորականության, գործարար շրջանակների, ուսումնական հաստատությունների, ԶԼՄ-ների ներկայացուցիչներ:

Հայաստանի Հանրապետության 27-ամյա ուղու և ձեռքբերումների, հայ-վրացական բարեկամական առնչությունների մասին ներկաների առջև ելույթ է ունեցել Բաթումում ՀՀ գլխավոր հյուպատոս Եղիշե Սարգսյանը:

Ողջույնի խոսքով հանդես է եկել Աջարիայի Ինքնավար Հանրապետության կառավարության նախագահ Թորնիկե Ռիժվաձեն` անդրադառնալով վրաց-հայկական ավանդական բարեկամությանը, երկու երկրների միջև համագործակցությանը, ապակենտրոնացված կապերին, աջարահայայ համայնքի կարևոր դերակատարմանը երկկողմ հարաբերություններում:

ՀՀ գլխավոր հյուպատոսը և Աջարիայի ԻՀ կառավարության նախագահը ընդգծեցին, որ երկկողմ բարձր մակարդակի հարաբերություններին նոր լիցք հաղորդեցին ՀՀ վարչապետ Նիկոլ Փաշինյանի՝ ս.թ. մայիսին և Վրաստանի Վարչապետ Մամուկա Բախտաձեի՝ ս.թ.սեպտեմբերին իրականացված փոխադարձ պաշտոնական այցերը:

Ընդունելությունը ներառում էր գեղարվեստական մաս, որի ընթացքում հանդես եկան բաթումահայ համայնքի “Աղբյուր” երգչախումբը, “Բաթումի” պետական վոկալ համույթը, հայ համայնքից երգերի և գործիքային կատարողներ Հարություն Սեդրակյանը և Ռոբերտ Ուսնյանը:

------

2018 թ. սեպտեմբերի 21-ին, մինչ պաշտոնական ընդունելությունը, ՀՀ անկախության 27-րդ տարեդարձին նվիրված տոնական հանդես-ցերեկույթ է կազմակերպվել Բաթումի Ալ. Մանթաշյանցի անվան համայնքային կրթա-մշակութային կենտրոնում՝ կենտրոնի տնօրինության և մանկավարժների ջանքերով և սաների մասնակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր