Շառլ Ազնավուրի մահվան առթիվ հիշատակի արարողություններ Բաթումում

07 հոկտեմբերի, 2018

Շառլ Ազնավուրի մահվան կապակցությամբ 2018 թ. հոկտեմբերի 3-ից 5-ը Բաթումում ՀՀ գլխավոր հյուպատոսությունում բացվել է սգո մատյան, որում գրառումներ են կատարել.

Վրաստանի Աջարիայի Ինքնավար Հանրապետության կրթության, մշակույթի և սպորտի նախարար տ. Ինգա Շամիլիշվիլին/Inga Shamilishvili - Minister of Education, Culture and Sport of Ajara Autonomous Republic, Georgia/, Առողջապահության և սոցիալական հարցերի նախարար պ. Զաալ Միքելաձեն/Zaal Mikeladze - Minister of health and social care/, Գյուղատնտեսության նախարար պ. Տիտե Արոշիձեն /Tite Aroshidze - Minister of agriculture/, Վիրահայոց թեմի հոգևոր հովիվը և հայկական համայնքային կազմակերպությունների ղեկավարներն ու համայնքի բազմաթիվ անդամներ, հասարակայնության ներկայացուցիչներ:

Ի հիշատակ Ազնավուրի՝ նրա բազմաթիվ երկրպագուներ ՀՀ գլխավոր հյուպատոսության շենքի մուտքի մոտ մոմեր են վառել, ծաղիկներ դրել:

Հոկտեմբերի 6-ին, Հայաստնում հայտարարված սգո օրը, կիսով չափ իջեցվել է ՀՀ գլխավոր հյուպատոսության շենքի ճակատամասում բարձրացված ՀՀ պետական դրոշը:

Հոկտեմբերի 7-ին Բաթումի Սուրբ Փրկիչ եկեղեցում՝ ՀԱԵ հոգևոր հովիվ Տեր Արարատ քահանա Գումբալյանի մատուցմամբ Շառլ Ազնաուրի հաշատակին հոգեհանգստի կարգ է կատարվել, որին հիշատակի խոսքով հանդես է եկել նաև ՀՀ գլխավոր հյուպատոս Եղիշե Սարգսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր