Միջոցառումներ Բաթումում՝ Սպիտակի երկրաշարժի 30-րդ տարելիցի առթիվ

07 դեկտեմբերի, 2018

2018 թ. դեկտեմբերի 7-ին Բաթումի Սուրբ Փրկիչ եկեղեցում, ՀԱԵ հոգևոր հովիվ Տեր Արարատ քահանա Գումբալյանի մատուցմամբ, կատարվեց հիշատակի արարողություն՝ 1988թ. Սպիտակի ավերիչ երկրաշարժի 30-րդ տարելիցի կապակցությամբ և ՀՀ գլխավոր հյուպատոսության, հայկական համայնքային կառույցների ու անհատների կողմից ծաղիկների խոնարհում զոհվածների հիշատակին՝ եկեղեցու բակում տեղակայված խաչքարի մոտ:

Ներկաների առջև ելույթի խոսքով հանդես եկան ՀԱԵ հոգևոր հովիվ Տեր Արարատ քահանա Գումբալյանը և Բաթումում ՀՀ գլխավոր հյուպատոս Եղիշե Սարգսյանը, ով, մասնավորապես, անդրադարձավ հետերկրաշարժյան փրկարարարական, վերականգնողական աշխատանքներում և օգնության հարցերում միջազգային հանրության կարևոր դերակատարությանը, ինչպես նաև Վրաստանի բարեկամ ժողովրդի ներկայացուցիչների կատարած աշխատանքներին, որոնք առաջինների թվում օգնության հասան տուժած բնակչությանը: Նա խոսեց նաև երկրաշարժի հետևանքների իսպառ վերացմանն ուղղված աշխատանքներում ՀՀ իշխանությունների հաստատակամության մասին:

Միջոցառումների մասնակիցները այնուհետև տեղափոխվեցին ՀՀ գլխավոր հյուպատոսություն, որտեղ ցուցադրվեցին ֆիլմեր Սպիտակի երկրաշարժի, ինչպես նաև ներկայիս Գյումրի, Վանաձոր և Սպիտակ քաղաքների մասին, երկրաշարժի հետևանքների վերացման աշխատանքների դրվագների մասին խոսք ասեցին ՀՀ գլխավոր հյուպատոսը, ,,Մեր տունը Վրաստանն է,, հայ-վրացական կազմակերպության նախագահ, վրացական ջոկատի կազմում վերականգնողական աշխատանքների մասնակից Սահակ Տալիթյանը, Աջարիայի հայերի միության նախագահ Գրիգոր Վարդանյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր