Սպիտակի երկրաշարժի 31-րդ տարելիցի առթիվ

07 դեկտեմբերի, 2019

2019 թ. դեկտեմբերի 7-ին, Բաթումի Սուրբ Փրկիչ եկեղեցու բակում տեղակայված խաչքարի մոտ տեղի ունեցավ հիշատակի արարողություն՝ ՀԱԵ հոգևոր հովիվ Տեր Արարատ քահանա Գումբալյանի մատուցմամբ` 1988թ. Սպիտակի երկրաշարժի 31-րդ տարելիցի կապակցությամբ և ՀՀ գլխավոր հյուպատոսության, հայկական համայնքային կառույցների ու անհատների կողմից ծաղիկների խոնարհում երկրաշարժից զոհվածների հիշատակին:

Ներկաների առջև ելույթի խոսքով հանդես եկան Տեր Արարատ քահանա Գումբալյանը, ,,Մեր տունը Վրաստանն է,, հայ-վրացական կազմակերպության վարչության անդամ Լևան Մժավանաձեն և Բաթումում ՀՀ գլխավոր հյուպատոս Եղիշե Սարգսյանը, ով անդրադարձավ երկրաշարժին հաջորդած փրկարարարական և վերականգնողական աշխատանքներում միջազգային հանրության կարևոր դերակատարությանը և Վրաստանի բարեկամ ժողովրդի ներկայացուցիչների մասնակցությանը, որոնք առաջինների թվում օգնության հասան տուժած բնակչությանը: Նա խոսեց նաև երկրաշարժի հետևանքների իսպառ վերացման գործում ՀՀ իշխանությունների հաստատակամության մասին:

Միջոցառումների մասնակիցները այնուհետև տեղափոխվեցին հայկական եկեղեցուն առընթեր Ալեքսանդր Մանթաշյանցի անվան կրթամշակութային և երիտասարդական կենտրոն, որտեղ Կենտրոնի սաները իրենց եելույթներում տեղեկություններ ներկայացրեցին երկրաարժի և դրա հետևանքների վերացման աշխատանքների մասին, ցուցադրվեց ֆիլմ Սպիտակի երկրաշարժի վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր