Բաթումում ՀՀ գլխավոր հյուպատոս Նարինե Մաթոսյանը հանդիպում է ունեցել Աջարիայի Ինքնավար Հանրապետության կառավարության ղեկավար Թոռնիկե Ռիժվաձեի հետ

16 մայիսի, 2023

2023 թվականի մայիսի 16-ին Բաթումում ՀՀ գլխավոր հյուպատոս Նարինե Մաթոսյանը հանդիպում է ունեցել Աջարիայի Ինքնավար Հանրապետության կառավարության ղեկավար Թոռնիկե Ռիժվաձեի հետ:

Ողջույնի խոսքում պարոն Ռիժվաձեն շնորհավորել է գլխավոր հյուպատոսին պաշտոնն ստանձնելու կապակցությամբ՝ մաղթելով վերջինիս բեղմնավոր աշխատանք: Շնորհակալություն հայտնելով բարեմաղթանքների համար գլխավոր հյուպատոս Մաթոսյանը վստահեցրել է, որ կներդնի առավելագույն ջանքերը՝ երկկողմ օրակարգը զարգացնելու համար:

Հանդիպման ընթացքում կողմերը կարևորել են տնտեսության, զբոսաշրջության, կրթության և մշակույթի բնագավառներում երկկողմ համագործակցությունը, ինչպես նաև Աջարիայի հայ համայնքի դերը՝ հայ-վրացական հարաբերությունների խորացման և ամրապնդման համատեքստում:

Հանդիպմանը ներկա են եղել Գլխավոր հյուպատոսության դեսպանորդ լիազոր նախարար Վահագն Փիլիպոսյանը և Գլխավոր հյուպատոսի օգնական Խաթունա Կարագուլյանը

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր