Հոգեհանգստյան արարողություն՝ նվիրված 1915 թվականի Հայոց ցեղասպանության սրբադասված նահատակների հիշատակին

24 ապրիլի, 2024

2024 թվականի ապրիլի 24-ին, Բաթումի Սուրբ Փրկիչ եկեղեցում՝ Բաթումում ՀՀ գլխավոր հյուպատոսության ներկայացուցիչների մասնակցությամբ, տեղի ունեցավ հոգեհանգստյան արարողություն՝ նվիրված 1915 թվականի Հայոց ցեղասպանության սրբադասված նահատակների հիշատակին:

Արարողության մասնակցեց և ելույթ ունեցավ Բաթումում ՀՀ գլխավոր հյուպատոսության դեսպանորդ լիազոր նախարար Վահագն Փիլիպոսյանը, որը գլխավոր հյուպատոսության անունից նաև ծաղկեպսակ զետեղեց եկեղեցու բակում տեղադրված Հայոց ցեղասպանության զոհերի հիշատակը հավերժացնող խաչքարի մոտ:

Արարողության ընթացքում ելույթ ունեցան նաև Բաթում Սուրբ Փրկիչ եկեղեցու հոգևոր հովիվ Տեր Արարատ Գումբալյանը և Աջարիայի հայ համայնքի ղեկավար Սահակ Տալիթյանը:

Միջոցառմանը ներկա էին Աջարիայի հայ համայնքի անդամները և Ալ.Մանթաշյանց կրթամշակութային կենտրոնի սաներն ու մանկավարժական կոլեկտիվը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր