Գլխավոր հյուպատոսի մասնակցությունը Բաթում քաղաքի ավանդական տոնին

28 ապրիլի, 2024

Բաթումում ՀՀ Գլխավոր հյուպատոս Նարինե Մաթոսյանը և Վանաձոր քաղաքի պատվիրակությունը՝ Վանաձորի քաղաքապետի գլխավոր խորհրդական Արման Բերնեցյանի գլխավորությամբ, 2024 թվականի ապրիլի 27-ից 28-ը մասնակցեցին Բաթում քաղաքի տոնին նվիրված միջոցառումներին:

Տոնակատարության բացման առթիվ կազմակերպված միջոցառմանը Արման Բերնեցյանը Վանաձորի քաղաքապետի պաշտոնակատար Արկադի Փելեշյանի անունից շնորհավորեց Բաթումի քաղաքապետին և բաթումցիներին, ընդգծեց քույր քաղաքների միջև 2023 թվականի ընթացքում համատեղ կազմակերպված միջոցառումները, կարևորեց Բաթումում ՀՀ Գլխավոր հյուպատոսության և Բաթումի Սուրբ Փրկիչ եկեղեցու դերը։

Այցի ընթացքում պատվիրակությունը Բաթումի Սուրբ Փրկիչ եկեղեցում մասնակցեց պատարագի, այցելեց Մանթաշյանց հայկական կրթամշակութային կենտրոն:

Ապրիլի 29-ին պատվիրակությունը հյուրընկալվեց Բաթումում ՀՀ Գլխավոր հյուպատոսությունում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր