Հանդիպում ԱԻՀ գյուղատնտեսության նախարարի հետ

16 հուլիսի, 2025

2025 թվականի հուլիսի 16-ին Բաթումում ՀՀ գլխավոր հյուպատոս Նարինե Մաթոսյանն այցելել է ԱԻՀ գյուղատնտեսության նախարարություն և հանդիպել է նորանշանակ նախարար Դենիս Սալուքվաձեի հետ։

Զրուցակիցները կարևորել են գյուղատնտեսության ոլորտում երկկողմ համագործակցության զարգացման անհրաժեշտությունը, մասնավորապես` համատեղ խորհրդատվությունների և գիտաժողովների կազմակերպումը, երկկողմ ծրագրերի իրականացումը և մասնագիտական շփումների ակտիվացումը։

Նախարարն իր պատրաստակամությունն է հայտնել Հայաստանի և Վրաստանի միջև գործող գյուղատնտեսական համագործակցության բնագավառում երկկողմ միջկառավարական Համաձայնագրի շրջանակներում խթանել Աջարիայի և Լոռու մարզի միջև անմիջական համագործակցությունը:

Նախարարը տեղեկացրել է, որ ծրագրում են Աջարիայում կազմակերպել գյուղատնտեսության տարբեր ուղղությունների ֆորումներ և փառատոններ՝ ակնկալելով Գլխավոր հյուպատոսի և հայկական կողմի շահագրգիռ ընկերությունների ակտիվ մասնակցությունը։

Հանդիպմանը մասնակցել է նախարարի տեղակալ Իրմա Ափխազավան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր