Հանդիպում ԱԻՀ ֆինանսների և էկոնոմիկայի նախարարի հետ

16 հուլիսի, 2025

2025 թվականի հուլիսի 16-ին Բաթումում ՀՀ գլխավոր հյուպատոս Նարինե Մաթոսյանը հանդիպում է ունեցել ԱԻՀ ֆինանսների և էկոնոմիկայի նորանշանակ նախարար Էդնար Նատարիձեի հետ։

Հանդիպման ընթացքում զրուցակիցները մտքեր են փոխանակել ֆինանսատնտեսական ոլորտում հայ-վրացական համագործակցության խորացման ուղիների շուրջ։ Կողմերը կարևորել են անմիջական կապերի ամրապնդումը, փորձի փոխանակումը, ինչպես նաև համատեղ ծրագրերի ու ներդրումային նախաձեռնությունների իրականացումը։

Նախարարը ընդգծել է իր պատրաստակամությունը՝ աջակցելու Աջարիայի և Հայաստանի մարզերի, մասնավորապես Լոռու մարզի հետ համագործակցության զարգացմանը՝ երկու երկրների տնտեսական համագործակցության շրջանակներում։

Էդնար Նատարիձեն նշել է, որ Աջարիայում անցկացվելիք տարբեր ոլորտների բիզնես ֆորումներին և տնտեսական միջոցառումներին ակնկալում է հայկական կողմի՝ այդ թվում գործարար համայնքի և Գլխավոր հյուպատոսի ակտիվ մասնակցությունը։

Հանդիպմանը մասնակցել է նախարարի տեղակալ Արչիլ Սիրաբիձեն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր