Հայաստանի Հանրապետության ԿԳՄՍ նախարարի և Աջարիայի Ինքնավար Հանրապետության մշակույթի նախարարի հանդիպման վերաբերյալ

01 ապրիլի, 2026

2026 թվականի մարտի 27-ին՝ ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Աջարիայի Ինքնավար Հանրապետության մշակույթի նախարար Էլիսո Բոլքվաձեի գլխավորած պատվիրակությանը:

Հանդիպման ընթացքում ընդգծվել է մշակութային համագործակցության կարևորությունը և մշակույթի ոլորտում երկկողմ հարաբերությունների զարգացման մեծ ներուժը։

Քննարկվել են Հայաստանի և Վրաստանի, մասնավորապես՝ Աջարիայի և Հայաստանի մարզերի միջև մշակութային համագործակցության ընդլայնման հնարավորությունները, երիտասարդ արվեստագետների և ուսանողների փոխանակման ծրագրերը, ինչպես նաև Լոռու մարզի և Աջարիայի Ինքնավար Հանրապետության միջև ձևավորված գործընկերության մշակութային բաղադրիչի հետագա ամրապնդումը։

Հանդիպմանը մասնակցել են ԿԳՄՍ նախարարի տեղակալներ Արթուր Մարտիրոսյանը և Ալֆրեդ Քոչարյանը, ինչպես նաև Հայաստանի Հանրապետությունում Վրաստանի դեսպան Գիորգի Շարվաշիձեն և Բաթումում Հայաստանի Հանրապետության գլխավոր հյուպատոս Նարինե Մաթոսյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր