Վանաձորում կայացած Աջարիայի մշակութային օրերի եզրափակիչ համերգի վերաբերյալ

02 ապրիլի, 2026

2026 թվականի մարտի 28-ին Վանաձորում կայացավ Աջարիայի մշակութային օրերի եզրափակիչ համերգը։

Համերգից առաջ ողջույնի խոսքով հանդես եկան ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը, Աջարիայի Ինքնավար Հանրապետության մշակույթի նախարար Էլիսո Բոլքվաձեն, ՀՀ-ում Վրաստանի արտակարգ և լիազոր դեսպան Գեորգի Շարվաշիձեն, Վանաձորի համայնքի ղեկավարի պաշտոնակատար Արկադի Փելեշյանը և Բաթումում ՀՀ գլխավոր հյուպատոս Նարինե Մաթոսյանը։

Երեկոյի ընթացքում ելույթ ունեցավ Աջարիայի պետական «Բաթումի» վոկալ համույթը, որին միացան նաև Վանաձորի «Հորովել» համույթը և Վանաձորի կամերային երգչախումբը։ Հնչեցին ինչպես վրացական, այնպես էլ հայկական երգեր՝ ստեղծելով առանձնահատուկ մթնոլորտ և վերածելով երեկոն երկու ժողովուրդների բարեկամության գեղեցիկ խորհրդանիշի։

Համերգը հանդիսատեսի կողմից ընդունվեց մեծ ջերմությամբ և ոգևորությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր