Երևանի Չայկովսկու անվան միջնակարգ մասնագիտական երաժշտական դպրոցի սաների՝ Բաթումում լսումներին մասնակցելու վերաբերյալ

04 հունիսի, 2026

Հունիսի 1-ին Բաթումի Զաքարիա Փալիաշվիլու անվան երաժշտական դպրոցում տեղի ունեցան լսումներ, որոնց մասնակցելու նպատակով Աջարիայի Ինքնավար Հանրապետության մշակույթի նախարար Էլիսո Բոլքվաձեի հրավերով Հայաստանից ժամանել էին Երևանի Չայկովսկու անվան միջնակարգ մասնագիտական երաժշտական դպրոցի սաներ Հայկ Դանոյանը և Էդուարդ Սիմոնյան։

Լսումների ընթացքում հայ պատանի երաժիշտները հանդես եկան բարձր մակարդակով՝ արժանանալով նախարարի բարձր գնահատականին և առանձնանալով իրենց վարպետությամբ ու պրոֆեսիոնալ պատրաստվածությամբ։

Հունիսի 2-ին երիտասարդ երաժիշտները, իրենց ուսուցիչների հետ միասին, հյուրընկալվեցին Բաթումում Հայաստանի Հանրապետության գլխավոր հյուպատոսությունում։

Լսումների արդյունքներով հայ պատանիները հրավիրվեցին մասնակցելու Բաթումում կայանալիք Սևծովյան միջազգային փառատոնին, իսկ Հայկ Դանոյանը նաև 2026 թվականի նոյեմբերին Փարիզում կայանալիք հեղինակավոր միջազգային մրցույթին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր